يارين بويون قوجاخ لاديم يار آغلادي من آغلاديم

يغشدي قونشولار بوتون جار آغلادي من آغلاديم

درديمي من دئديم تارا سيملر اولدي پارا پارا

سيزيلدادي بالا بالاتار آغلادي من آغلاديم

دئديم كي حق منيم كي دي باشيمي چكديلر دارا

كنف كسنده بوينومي دار آغلادي من آغلاديم

*************************

دردیمی دریایه ددیم دریای عمان آغلادی.

قبردن باش قوزادی بیچاره لقمان آغلادی.

دردیمی هانسی طبیبه سویلدیم قان آغلادی.

بیر منه بیر نسغمه چکدی مطبین باغلادی.

*********************

نئچه ایل دیر کی گونش تار گلر اولکه میزه

یاز گونی – باهار گونی قار گلر اولکه میزه

بیلمیرم بو آی – بو ایل باغچالار چیچکله نر؟

داغلارا یاقیش یاقار وار گلر اولکه میزه؟

وفا سیز یوچیلارا وفالی یول تاپیلار ؟

یول ایتیرمیش کیمی تک یار گلر اولکه میزه؟

یولچولاردان یاریمین خبرین ایسته میشم

نیله ییم کیمسه گلیب کار گلر اولکه میزه

خانلارین شانسی کیمی یوخدی بیزده بئله شانس

شئر یئرینده قارا ایت هار گلر اولکه میزه

************************

اوزوک کیمی ایتیرمیشم قاشیمی

تاپانميرام وفالي يولداشيمي

بولود قويور باشيني داغ چينينه

من قارا گون هارا قويوم باشيمي

ايسته ميرم ياريم گوروب اينجي يه

گيزله ديرم گوزومده گوزياشيمي

باشماق كيمين زيوار سيزام حيف اولا

تاپانميرام درديمه كفاشيمي

نقاش اولوب خيالينده چكيردير

اول دوداغ ، سونرادا گوز ـ  قاشيمي

رنگي قوتولدي بوشلادي طرحيمي

گورمه ديم اوندان سورا نقاشيمي

مسافر اولدوم حيف اولا تانيش يوخ

ايق داليمدا پيشيره آشيمي

******************

یئنه غمخانه كيمين دير منه دونيا گئجه لر

سن كي يوخسان گؤره سن گؤزلري دريا گئجه لر

بير قارانلیق كوچه دير ، بير باجادير ، بيرده منم

كيم بيله ر درديميزي همشه، يلدا گئجه لر

گؤزليم گؤزلریني اولدوز ائله گؤزلريمه

بلكه اولسون يوخومون كابوسي ، رؤيا گئجه لر

سن گئدندن سورا بير بوغضدي ساليب درده مني

گوزياشيمدان ائله ديم دردي مداوا گئجه لر

اوره ك اولدي پارالي ، گؤزلريم اولدي يارالي

يارادا هريارايا ائتدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشاتدي سنه ائتدي تماشا گئجه لر

سئوگي نين معناسيني گئزمه اوره کلرده کي من

ائتميشم صبحه قدر سئوگيني معنا گئجه لر

نظرات شما عزیزان: